काठमाडौं । इन्डियन प्रिमियर लिग (आई.पी.एल.) क्रिकेटको उपाधि भिडन्त आज हुँदैछ ।
उपाधिका लागि पञ्जाब किङ्ग्स र रोयल च्यालेन्जर्स बेंगलुरुबीच अहमदावादस्थित नरेन्द्र मोदी स्टेडियममा राती पौने ८ बजे प्रतिस्पर्धा हुन लागेको हो ।
लिगले तीन वर्षपछि नयाँ च्याम्पियन पाउनेछ। आई.पी.एल.मा सन् २०२२ गुजरात टाइटान्सले उपाधि जितेको थियो । बैंगलोर चौथो पटक र पञ्जाब दोस्रो पटक फाइनलमा पुगेका हुन्, तर यी दुई टोली पहिलो पटक फाइनल भिड्दैछन्।
आई.पी.एल.को १८ वर्ष लामो इतिहासमा दुवै टोली पहिलो पटक च्याम्पियन बन्ने लक्ष्यमा रहेका छन् । पञ्जाब र बैंगलोर आई.पी.एल.मा हालसम्म ३६ पटक आमने सामने हुँदा १८–१८ खेल जित्दै रोचक बराबरी खेलेका छन् ।
