काठमाडौं । चितवनमा भिरबाट हाम फाल्दा श्रीमान् घाइते भएका छन् भने श्रीमतीको मृत्यु भएको छ ।
भिरबाट हाम फाल्दा मंगलबार राप्ती नगरपालिका–४ की ४२ वर्षीया कुमारी प्रजाको मृत्यु भएको हो ।
जिल्ला प्रहरी कार्यालय चितवनका अनुसार श्रीमानसाग घरायसी विवाद हुँदा कुमारीले घर नजिकैको भिरबाट खहरे खोलामा हाम फालेकी थिइन् । लगत्तै उनका श्रीमान् लीलाबहादुरले पनि भिरबाट हाम फालेका थिए ।
कुमारीको घटनास्थलमै मृत्यु भएको र श्रीमान् लीलाबहादुर प्रजा गम्भीर घाइते भएको प्रहरीले जनाएको छ । उनको भरतपुर अस्पतालमा उपचार भइरहेको छ ।
प्रहरीले घटनाबारे अनुसन्धान गरिरहेको बताइएको छ ।
