काठमाडौं । रायोको सागमा अत्यधिक मात्रामा विषादी भेटिएको छ ।
कालीमाटी तरकारी बजारमा बिक्रीका लागि राखिएको रायोको सागमा ८०.९५९० प्रतिशत अर्गानोफस्फेट नामक विषादी भेटिएको कालीमाटी फलफूल तथा तरकारी बजार विकास समितिले जनाएको हो ।
केन्द्रीय कृषि प्रयोगशालाले बुधबार कालीमाटी तरकारी बजारका १७ पसलको १७ थरी तरकारी तथा फलफूल परीक्षण गरेको थियो । परीक्षण क्रममा रायो सागमा उक्त मात्रामा विषादी भेटिएको हो ।
विषादीको मात्रा धेरै भेटिएको उक्त रायोको साग उपभोग अयोग्य रहेको जनाइएको छ ।
