गुडिरहेको माइक्रोमाथि रुख खस्दा ७ जना घाइते

काठमाडौं । धादिङमा गुडिरहेको माइक्रो बसमाथि रुख खस्दा ७ जना घाइते भएका छन्। 

जिल्ला प्रहरी कार्यालय धादिङका अनुसार धादिङबेंसीबाट काठमाडौं आउँदै गरेको बागमती प्रदेश ०१–००६ ख ६५१२ नम्बरको इभी माइक्रो बस गजुरी नजिक आइपुग्दा माइक्रो बसमाथि रुख ढल्दा ७ जना यात्रु घाइते भएका हुन्।  

घाइतेहरूलाई उपचारका लागि गजुरी अस्पतालमा लगिएको र घाइते सबै खतरामुक्त रहेको बताइएको छ । रूख ढल्दा पृथ्वी राजमार्ग केहीबेर दुइतर्फी  अवरूद्ध बनेको थियो । अहिले दुईतफीरुपमा यातायात सेवा सञ्चालन भएको प्रहरीले जनाएको छ ।