सभापति कप फुटबल प्रतियोगितामा आज देखि शुुरु

काठमाडौं । सभापति कप फुटबल प्रतियोगितामा आज (बिहीबार) देखि शुुरु हुँदैछ । 

नेपाली कांग्रेस अन्तर्गतको नेपाल लोकतान्त्रिक खेलकुद संघ महाधिवेशन निर्देशन समितिको आयोजनामा आज देखि दशरथ रंगशालामा सभापति कप शुरु हुन लागेको हो । 

आज उदघाटन खेलमा चर्च ब्वाइज र संकटा क्लब भिँड्दैछन् । खेल दिउँसो ३ बजे शुरु हुनेछ प्रतियोगितामा ‘ए’ डिभिजन क्लबका ८ टोली टिमले प्रतिष्पर्धा गर्दैछन् ।

प्रतियोगितामा आयोजक टोली नेपाल लोकतान्त्रिक खेलकुद सङ्घ बागमती प्रदेश सहित मच्छिन्द्र क्लब, ए.पी.एफ. क्लब, नेपाल पुलिस क्लब, एन.आर.टी., संकटा क्लब, फ्रेन्ड्स क्लब, ब्वाइज युनाइटेड र सङ्कटा क्लबले सहभागिता जनाउनेछन् ।

माघ १४ र १५ गते सेमिफाइनलका खेल हुने छन् भने माघ १७ गते फाइनल खेल हुने छ । प्रतियोगिताको विजेताले २६ लाख तथा उपविजेता टोलीले १३ लाख पुरस्कार पाउनेछ ।