तत्काल मधेसवादी दलहरु एक हुने सम्भावना छैन : महिलामन्त्री सुडी

काठमाडौं । महिला, बालबालिका तथा ज्येष्ठ नागरिकमन्त्री नवलकिशोर साह सुडीले तत्काल मधेसवादी दलहरु एक हुने सम्भावना नरहेको बताएका छन् ।

बिहीवार काठमाडौंमा गजेन्द्र नारायण सिंहको २४ औं पुण्यतिथिको अवसरमा आयोजित कार्यक्रमपछि सञ्चारकर्मीहरुसँग कुरा गर्दै उनले निजी स्वार्थका कारण मधेसवादी दलहरु फुटेको बताए । 

उनले स्वार्थमा काम गर्नेहरुलाई पदच्युत भएसँगै कसैले नचिन्ने उनको भनाइ छ । धर्तीमा रहँदा केही नाम चिन्नेगरी काम गर्नुपर्ने बताए ।

उनले भने, ”निजी स्वार्थका लागि मधेसवादी दलहरु छिन्नभिन्न भएका छन् । सबै स्वार्थमा लाग्नुभएको छ । मैले जहिले पनि भनेको छु, केही काम गर, धर्तीमा रहँदा । स्वार्थमा लागेका नेतालाई पद सकिएपछि कसैले पनि नाम लिँदैन । मधेसवादी सबै नेताहरु एक हुनु राम्रो कुरा हो । तर एक हुने सम्भावना देखेको छैन ।”

मन्त्री सुडीले मधेसवादी राजनीतिक दलहरु एक हुनु राम्रो भएको बताए ।