सबै नागरिकलाई सामाजिक सुरक्षा कोषमा आवद्ध गर्न आवश्यक छ : मन्त्री चौरसिया

काठमाडौं । कानून न्याय तथा संसदीय मामिलामन्त्री अजयकुमार चौरसियाले सबै नागरिकलाई योगदानमा आधारित सामाजिक सुरक्षा कोषमा आवद्ध गर्न आवश्यक रहेको बताएका छन् ।

बिहीवार प्रतिनिधि सभाअन्तर्गको कानून, न्याय तथा मानव अधिकार समितिमा बोल्दै उनले वैदेशिक तथा आन्तरिक श्रमिक र रोजगारदातालाई योगदानमा आधारित सामाजिक सुरक्षा कोषमा आवद्ध गर्न सुझाव दिए ।

उनले सबै नागरिकलाई योगदानमा आधारित सामाजिक सुरक्षा कोषमा आवद्ध गर्नेकुरा मन्त्रालय र मन्त्रीको सफलतासँग जोडिएको बताए ।

उनले वैदेशिक रोजगारमा जाने श्रमिकको हक र हितका लागि कानून मन्त्रालय सदैव सकारात्मक रहेको समेत बताए ।
 
उनले सरकारले प्रत्येक नागरिकलाई सामाजिक सुरक्षा कोषमा आवद्ध गर्नसके ठूलो र ऐतिहासिक उपलब्धी हुने बताए ।