काठमाडौंको असन चोकमा भिषण आगलागी

काठमाडौं । काठमाडौंको असन चोकमा ‘होम एप्लायन्सेस’ सामानको गोदाममा आगलागी भएको छ ।

बिहीबार अपराह्न साढे ३ बजेतिर असन चोकबाट महाबौद्ध मन्दिर जाने बाटोमा एक घर रहेको गोदाममा आगलागी भएको हो ।

आगलागीको खबर आएलगत्तै नेपाल प्रहरी, सशस्त्र प्रहरी र नेपाली सेनाको दमकल नियन्त्रणका लागि पुगेको जिल्ला प्रहरी परिसरले जानकारी दिएको छ ।

आगलागीको कारण नखुलेको र आगो नियन्त्रणमा आउने क्रममा रहेको प्रहरीले जनाएको छ ।