भ्वाइस र डान्स युनिभर्स’ को उपाधि प्रितम राई र खुशी कार्कीले जिते

Avenues

भदौ ३, २०८० आइतबार

‘मेरो भ्वाइस युनिभर्स’ को उपाधि भारत कि प्रितम राई र ‘मेरो डान्स युनिभर्स’ को उपाधि थाइल्याण्ड कि खुशी कार्की जितेका छन् । गएराति ललितपुरको गोदावरीमा भएको अन्तिम प्रतिष्पर्धाबाट गायनतर्फ राई र नृत्यतर्फ कार्कीले उपाधि हात पारेका हुन् । यो नेपालमा अहिलेसम्मकै सर्वाधिक धनराशिको पुरस्कार हो । त्यसैगरी ‘मेरो भ्वाइस युनिर्भस’को फस्ट रनरअप भारत कै शिशिर ठटाल र ‘मेरो डान्स युनिर्भस’ को फस्ट रनरअप बेल्जियम कि देवी गर्बुज ले हात पारेका छन । मेरो भ्वाइस युनिभर्स सेकेण्ड रनरअफमा नेपालका शरद हुमगाईँ, थर्ड रनरअपमा नेपालकै परेश राई र फोर्थ रनरअप भारतका साइराज खाती छानिएका छन । त्यस्तै ‘मेरो डान्स युनिभर्स’ सेकेण्ड रनरअपमा भारत कि मिग्मा डि लेप्चा , थर्ड रनरअपमा नेपालकै स्वस्तिक अर्याल र फोर्थ रनरअपमा नेपालकै नेसन सुस्लिङ मगर घोषणा भएका छन । विजयी कलाकारहरुलाई प्रधानमन्त्री पुष्पकमल दाहाल, सभामुख देवराज घिमिरेले पुरस्कार प्रदान गरेका छन । दुवै प्रतियोगिताका विजेताले जनही एक करोड, फस्ट रनरअपले ३० लाख र सेकेण्ड रनरअपले २० लाख, थर्ड रनरअपले १० लाख र फोर्थ रनरअपले पाँच लाखसहित विभिन्न पुरस्कार प्राप्त गरेकाछन । समूह नृत्यतर्फ भने नेपाल प्रहरी विजेता बनेको छ । सो समूहले २० लाख पुरस्कार प्राप्त गरेको छ ।