ADVERTISING

Breaking News

भ्यु टावरको विरोध गर्नेहरुले इतिहास बिर्से: ओली

काठमाडौ । नेकपा एमालेका अध्यक्ष केपी शर्मा ओलीले आफ्नो सरकारको पालामा बनाइएका भ्यु टावरहरु इतिहास भएको बताएका छन् । कवि मीना श्रेष्ठको कविताकृति ‘फर्गेट स्टर्डे’ विमोचन समारोहलाई आइतबार सम्बोधन गर्दै अध्यक्ष ओलीले भ्यु टावरको विरोध गर्नेहरुले इतिहास बिर्सेको टिप्पणी गरे । उनले ‘इफेल टावर र वासिङटन टावर’ बनाउनेहरु बुद्धि नभएकै हुन् त भनेर आलोचकहरुलाई प्रश्न समेत गरे ।

उनले इफेल टावर फ्रान्सको प्रतिक भएको भन्दै जसले फ्रान्सलाई अरबौको आम्दानी दिएको बताए । ‘त्यो भ्युटावर भन्दा अरु केही होइन, टुप्पामा धान फल्दैन । कोदो पनि फल्दैन, अलिक तल मकै फल्दैन । आँप लिची पनि फल्दैन, पैसा मात्रै फल्छ भ्यु टावरमा’, ओलीको भनाइ छ । त्यस्ता टावरहरूमा इतिहास र हाम्रो उचाई हुने ओलीको भनाइ छ । ‘इतिहास, ऐतिहासिक धरहरा, धरोहर, हाम्रो उचाई । थुप्रै कुराहरु त्यसभित्र हुने गर्छन् ।

उनले भ्यु टावरहरु बनाएकोमा संवेदनशील र गर्वनुभूति हुनुपर्नेमा त्यसो हुन नसकेको बताए ।

leave a reply