सिन्धुलीमा जीप दुर्घटना  हुँदा २ जनाको मृत्यु १३ जना घाइते

सिन्धुली । सिन्धुलीमा बिहीबार बिहान जीप दुर्घटना हुँदा २ जनाको घटनास्थलमै मृत्यु भएको छ भने अन्य १३ जना घाइते भएका छन् । 

सिन्धुली तिनकान्याबाट सदरमुकामतर्फ आउँदै गरेको बा २० च ८२८३ नम्बरको बोलेरो
जीप कमलामाई नगरपालिका २ चियाबारीमा दुर्घटना भएको हो । मृतकको पहिचान खुल्न बाँकी रहेको बताइएको छ । 

दुर्घटनामा घाईतेलाई उपचारका लागि सिन्धुली अस्पताल भर्ना गरिएको छ । दुर्घटनापछि विपी राजमार्ग अवरुद्ध समेत भएको प्रहरीले जनाएको छ । 

दुर्घटनाको कारण भने खुलेको छैन ।