काठमाडौं महानगरपालिकाद्धारा संस्थागत विद्यालयको नाम नेपालीपन झल्कने गरी राख्न निर्देशन
काठमाडौं । काठमाडौं महानगरपालिकाले संस्थागत विद्यालयहरूको नाम नेपालीपन झल्कने गरी राख्न निर्देशन दिएको छ । आज सूचना जारी गरी महानगरले नेपालीमा नाम राख्न निजी विद्यालयलाई एक महिना समय दिएको हो । महानगरपालिकाको शिक्षा विभागद्वारा जारी सूचनामा शिक्षा नियमावली तथा काठमाडौं महानगरपालिका विद्यालय शिक्षा व्यवस्थापन नियमावलीमा व्यवस्था भएबमोजिम नेपालीपन झल्किने गरी विद्यालयको नामकरण गर्नुपर्ने व्यवस्था रहेको स्मरण गराइएको छ । नेपालीपन झल्किने गरी विद्यालयको नामकरण गर्न प्रक्रिया अघि बढाएर एक महिनाभित्र विद्यालय व्यवस्थापन समितिको निर्णयसहित निवेदन पेश गर्न सबै विद्यालयलाई विभागले भनेको छ ।
प्रतिक्रिया