बढ्यो सुनको मूल्य, कतिमा हुँदैछ कारोबार ?

काठमाडौं । सुनको मूल्य आज (बुधबार) प्रतितोला १ लाख ६० हजार पुगेको छ ।

मङ्गलबार प्रतितोला १ लाख ५८ हजार १०० मा कारोबार भएको सुनको मूल्य आज प्रतितोला १ हजार ९ सयले बढेर १ लाख ६० हजार पुगेको नेपाल सुनचाँदी व्यवसायी महासङ्घले जनाएको छ । 

त्यस्तै, चाँदीको मूल्य प्रतितोला २० ले बढेको छ । आज चाँदी प्रतितोला १ हजार ८ सय ९५ मा कारोबार भइरहेको छ । अन्तर्राष्ट्रिय बजारमा आज सुनको मूल्य प्रतिऔँस नौ अमेरिकी डलर बढेर दुई हजार ७५२ दशमलव ४९ अमेरिकी डलर पुगेको छ ।

अन्तर्राष्ट्रिय बजारमा भएको मूल्यवृद्धि र आन्तरिक माग बढेपछि स्थानीय बजारमा सुनको मूल्य बढेको हो ।