आज ४ वटा संसदीय समितिको बैठक बस्दै

काठमाडौं । आज (बुधाबर) ४ वटा संसदीय समितिको बैठक बस्दै छ ।

संघीय संसद सचिवालयका अनुसार बिहान ११ बजे कृषि, सहकारी तथा प्राकृतिक श्रोत समितिको बैठक बस्दै छ । बैठकमा  नेपालमा हिउँदको समयमा  हुने डढेलो प्रकोपको क्षति न्यूनीकरण पूर्वतयारीका सम्बन्धमा सरोकारवाला निकायहरू सँग छलफल हुनेछ ।

त्यसैगरी, बिहान ११ बजे नै बस्ने पूर्वाधार विकास समितिको बैठक बस्ने भएको छ । बैठकमा जलस्रोत विधेयक, २०८१ माथि दफावार छलफल हुनेछ । 

यस्तै, बिहान ११ बजे नै बस्ने सार्वजनिक लेखा समितिको बैठकमा सिमेन्ट उत्पादन तथा बजार मूल्य सम्बन्धमा छलफल हुनेछ । बिहान ११ बजे नै बस्ने विधायन व्यवस्थापन समितिको बैठकमा तिलगंगा नेत्र विश्वविद्यालय विधेयक, २०८१ माथि दफावार छलफल हुनेछ ।