ADVERTISING

आशा भोस्ले नेपालमा

Breaking News

आशा भोस्लेको गीतमा झुमे दर्शक

काठमाडौं : भारतीय गायिका आशा भोस्लेले आफ्नो लोकप्रिय गीतमार्फत नेपाली दर्शकलाई मनोरञ्जन प्रदान गरेकी छिन् । शनिबार साँझ साधना कला केन्द्रले काठमाडौँमा आयोजना गरेको कार्यक्रममा उनले आफना नेपाली र हिन्दी गीतमार्फत नेपालीहरुको मन जितेकी हुन् ।

उनले कार्यक्रममा ‘मोहनी लाग्ला है’, ‘किन बढ्दैछ ढुकढुकी मुटुको’, ‘आगेआगे तोपकै गोला’सँगै ‘हरे कृष्ण हरे राम’ लगायतका गीत प्रस्तुत गरेकी थिइन् । उनलाई गायक रामकृष्ण ढकालले पनि साथ दिएका थिए ।

कार्यक्रम रञ्जित गजमेरले सङ्गीत गरेका गीतहरु घन्किएका थिए । कार्यक्रममा भोस्लेले नेपाल आउँदा पाएको सम्मान स्मरणयोग्य रहने बताइन । कार्यक्रममा इन्द्रजीत मिजार, भारती घिमिरे, दीप श्रेष्ठले पनि विभिन्न प्रस्तुतीमार्फत मनोरञ्जन प्रदान गरेका थिए ।

रञ्जित गजमेर र आशा भोस्लेको सांगीतिक यात्राको सम्झना गर्दै उनको सम्मानमा कार्यक्रम आयोजना गरिएको हो । भोस्लेले पशुपतिनाथ, पोखरा र लुम्बिनीको भ्रमण गर्ने कार्यक्रम छ ।