ADVERTISING

Breaking News

अटो व्यवसायीहरुद्धारा माईतीघर मण्डलामा धर्ना

अटो व्यवसायीहरुले माईतीघर मण्डलामा धर्ना दिएका छन् । बिहीवार नाडा अटोमोबाइल्स एशोसिएशन अफ नेपाल ‘नाडा’को आयोजनामा अटो व्यवसायीहरुले सवारी साधनहरुको आयात खुलेपनि राष्ट्र बैंकको नीतिका कारण गाडी बिक्री गर्ने वातावरण नभएको भन्दै प्रदर्शन गरेका हुन । सवारी आयात गर्न खुला भएपनि एलसी खोली गाडी आयात गर्न ५० प्रतिशत नगद मार्जिन कायम रहेकाले त्यो हटाउनुपर्ने नाडाको माग छ । सरकारले गाडीको आयात खुलेपनि अहिलेकै बैंक ब्याजदरमा कसैले गाडी खरिद नगर्ने व्यवसायीको गुनासो छ ।
गाडी आयात खुला गरेपनि ५० प्रतिशत मार्जिन, ५० प्रतिशतमात्रै फाइनान्सिङ गर्न पाइने व्यवस्थाले अटो व्यवसायीहरु मारमा परेका छन । सरकार र राष्ट्र बैंकले ५० प्रतिशत नगद मार्जिनलाई पुरानै अवस्थामा ल्याउनुपर्ने, ,५० प्रतिशतमात्रै फाइनान्सिङ मात्रै गर्न पाउने व्यवस्थालाई ८० प्रतिशत बनाउनुपर्ने माग नाडाको छ । अटो व्यवसायीले सरकारसँग व्यवसायी मैत्री नीति ल्याउन पनि माग गरेका छन । अटो व्यवसायीहरुले अगाडि सारेका मागहरु सरकार र राष्ट्र बैंकले पूरा नगरेसम्म आन्दोलन जारी राख्ने चेतावनीसमेत दिए ।

leave a reply