ADVERTISING

Breaking News

प्रतिनिधि सभा निर्वाचनमा समानुपातिकतर्फ ४८ दलले बन्दसूचि बुझाए 

प्रदेशतर्फ बागमतीमा सबैभन्दा धेरै ४१ दल दर्ता

निर्वाचन आयोगमा प्रतिनिधि सभा सदस्य समानुपातिकतर्फ ४८ दलले उम्मेदवारको बन्दसूची दर्ता गराएका छन् । निर्वाचन आयोगले आज बिहान ५ बजेसम्म दलहरुको बन्दसूची दर्ता गरेको जनाएको हो । आइतबार र सोमबार बन्द सूचि दर्ताको समय दिएपनि दलहरुले हिजो बेलुका अबेलादेखि आज विहानसम्म सूचि दर्ता गराएका हुन । पहिलो दिन ४ वटा दलले मात्र दर्ता गरेका थिए । अरु ४४ दलले आज विहानसम्म सूचि दर्ता गरेका हुन । प्रतिनिधि सभा र प्रदेश सभा चुनावका लागि दर्ता भएका ७६ दलमध्ये ६८ दलले समानुपातिकमा भाग लिनेगरी निवेदन दर्ता गराएका थिए । प्रदेशतर्फ प्रदेश नम्बर एक र मधेस प्रदेशमा समान ३६ दल, वाग्मती प्रदेशमा ४१ दल, गण्डकी प्रदेशमा ३१ दल, लुम्बिनी प्रदेशमा ३२ दल, कर्णाली प्रदेशमा २८ दल र सुदूरपश्चिम प्रदेशमा ३४ राजनीतिक दलले समानुपातिक तर्फका उम्मेदवारको बन्दसूची बुझाएका छन् । आयोगले आजदेखि बन्दसूचीको छानबिन प्रक्रिया सुरु गर्ने जनाएको छ । छानबिन प्रक्रिया असोज ९ गतेसम्म चल्नेछ । आयोगबाट जानकारी पाएपछि १० देखि १६ सम्म बन्दसूची संशोधन गरी बुझाइसक्नुपर्ने समय आयोगले दिएको छ । मिश्रित निर्वाचन प्रणालीअनुसार प्रदेश र प्रतिनिधि सभामा ४० प्रतिशत सदस्य समानुपातिक प्रणालीमार्फत आउँछनरु। प्रतिनिधि सभामा एक सय १० र प्रदेश सभामा दुई सय २० सांसद समानुपातिकबाट निर्वाचित हुनेछन ।

leave a reply