आगोले जलेर पहिचान हुन नसकेको अवस्थामा शव संकलन

काठमाडौ । शिवपुरीमा भएको एयर डाइनेस्टीको हेलिकप्टरमा सवार पाँचैजनाको मृत्यु भएको  पुष्टि भएको छ ।  दुर्घटनास्थलमा ५ जनाको शव भेटिएको छ ।घटनास्थलमा  शवहरू संकलन भैरहेको छ । घटनास्थलमा पुगेको प्रहरीले १ जना महिला र ४ जना पुरुषको शव निकालेको छ । शव आगोले जलेर पहिचान हुन नसकेको अवस्थामा भेटिएको प्रहरीले जनाएको छ ।  स्थानीयबासीले उक्त डाँडामा धुँवा देखेपछि प्रहरीलाई खबर गरेका थिए । 

हेलिकप्टरमा अझै आगो लागिरहेको र आगो नियन्त्रण गर्ने कार्य भैरहेको प्रहरीले जनाएको छ ।

 काठमाडौंबाट रसुवाको स्याफ्रुबेँसीका लागि उडेको उक्त हेलिकप्टर अरुण मल्लले उडाएका थिए ।  हेलिकप्टर अरु ४ जना चिनियाँ  यात्रु  थिए ।