नेपाली बजारमा सुनको मूल्यमा नयाँ रेकर्ड

काठमाडौं । नेपाली बजारमा  सुनको मूल्य हालसम्मकै उच्च विन्दुमा पुगेको छ ।

नेपाल सुनचाँदी व्यवसायी महासङ्घका अनुसार आज तय गरिएको मूल्य अनुसार छापावाल सुनको मूल्य प्रतितोला एक लाख ४९ हजार नौ सय पुगेको छ । 

यस अघि  साउन २ गते सुनको मूल्य प्रतितोला एक लाख ४९ हजार आठ सय  रुपैयाँ बराबर पुगेको थियो । साउन २ गतेको तुलनामा आज र एक सयले वृद्धि भएको हो । बिहीबार भने प्रतितोला  एक लाख ४९ हजार चार सयमा कारोबार भएको थियो ।

त्यस्तै, चाँदीको मूल्य बिहीबार प्रतितोला  एक हजार सात सय ५० मा कारोबार भएकामा आजका लागि भने  एक हजार सात सय ९५ निर्धारण भएको महासंघले जनाएको छ ।