सरकारले कारोबार नै गर्न नसक्ने कम्पनी खारेजीको व्यवस्थालाई पनि सरल बनाउदै
काठमाडौं । सरकारले कम्पनी दर्ता, सञ्चालन मात्र नभई कारोबार नै गर्न नसक्ने कम्पनीले खारेजीको व्यवस्थालाई पनि सरल बनाएको छ ।
शुक्रबार राति मन्त्रिपरिषद् बैठकले अध्यादेशमार्फत् आवश्यक कानुन संशोधन गर्दै कम्पनी खारेजीको झन्झट हटाउने भएको छ । यसअघि कम्पनी खारेज गर्दा जरिवाना तिर्नुपर्ने व्यवस्था रहेको थियो ।
सरकारले अध्यादेशमार्फत् अब कारोबार बन्द हुन चाहने कम्पनीले खारेजी गर्दा तिर्नुपर्ने जरिवाना छुट दिने कानुनी व्यवस्था गरेको छ ।
अध्यादेशमा कम्पनी दर्ता सहज तरिकाले गर्न सक्ने व्यवस्था रहेको छ । शुक्रबार राति बसेको मन्त्रिपरिषद् बैठकले अध्यादेश ल्याउने निर्णय गरेको हो ।
प्रतिक्रिया