सूनको मूल्य एकै दिन २ हजार रुपैयाँले घट्यो

  

नेपाली बजारमा सुनको मूल्यमा भारी गिरावट आएको छ । आज छापावाल मूल्य प्रतितोला दुई हजार रुपैयाँले घटेर एक लाख ४७ हजार ५ सय  रुपैयाँ र तेजावी सुन प्रतितोला एक लाख ४६ हजार ८०० रुपैयाँमा कारोबार भएको छ । बिहीबारको बजारमा छापावाला सुन प्रतितोला एक लाख ४९ हजार ५ सय  रुपैयाँमा र तेजावी सुन प्रतितोला एक लाख ४८ हजार ८०० रुपैयाँमा किनबेच भएको थियो । आज चाँदीको मूल्य तोलामा ३० रुपैयाँले घटेर एक हजार ८३० रुपैयाँमा किनबेच भएको नेपाल सुनचाँदी ब्यवसायी महासंघले जनाएको छ । हिजो बजारमा चाँदी प्रतितोला एक हजार ८६० रुपैयाँमा खरिदबिक्री भएको थियो ।।