सुनको मूल्यमा नयाँ कीर्तिमान, १ लाख ४२ हजार २ सयमा कारोवार

नेपाली बजारमा आज सुनको मूल्यले नयाँ कीर्तिमान कायम गरेको छ । छापावााला सुन प्रतितोला १ लाख ४२ हजार २ सय रुपैयाँ कामय हुँदै हालसम्मकै उच्च मुल्यको कीर्तिमान कायम गरेको हो । अघिल्लो दिन प्रतितोला १ लाख ४० हजार ५ सय रुपैयाँमा कारोबार भएको छापावाला सुनको मूल्यमा आज १ हजार ७ सय रुपैयाँले वृद्धि भएको हो ।  यस्तै आज तेजाबी सुनको मूल्य पनि तोलामा १ हजार ७ सय रुपैयाँले नै बढ्दै १ लाख ४१ हजार ५ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।  चाँदीको मूल्य भने आज तोलामा २५ रुपैयाँले घट्दै १ हजार ८ सय ७५ रुपैयाँमा कारोबार भइरहेकोे छ । अघिल्लो दिन चाँदी प्रतितोला १ हजार ९ सय रुपैयाँमा कारोबार भएको थियो ।