बाँसबारी जग्गा प्रकरण: व्यवसायी अरुण चौधरी रिहा, थापा र ठाकुरलाई पनि जमानीमा छाडियो
![](https://snowberry.prixacdn.net/media/gallery_folder/arun%25252520chaudhary_rRObdxBKv7_vvthciwtizpm0uwpuz7texhevygpiatigp3el3w2jwqsfh4x9t6ohghqmbds_fCtU6XQxLW_rlxxzqko9ermcp96vsaui33urgherika58soyp58fjb9hcp2lriv2sjlncci_hA1nFslQzp_fpneoy8l9ynmzkevuxrdh4vvgkfbtjboz0xl0irk23mrsg44eaxfd5ef0rc6_iDGN3XhsDa_kovcde0le4pejbt1nplc3n38q5cgdwt59rxtrgumupumt8tgsay2epwapjfh.jpg)
बाँसबारी जग्गा घोटाला प्रकरणमा पक्राउ परेका व्यवसायी अरुण चौधरी रिहा भएका छन् । केन्द्रीय अनुसन्धान ब्युरो (सीआईबी)ले काठमाडौँ जिल्ला अदालतको आदेश अनुसार आज चौधरीसहित अन्य दुई जनालाई रिहा गरेको हो । सोमबार काठमाडौँ जिल्ला अदालतका न्यायाधीश यज्ञप्रसाद आचार्यको इजलासले अनुसन्धान कार्यमा सहयोग गर्नका लागि कागज गराई हाजिर जमानीमा छाडी बाँकी अनुसन्धानको कार्य पुरा गर्न सीआईबीलाई आदेश दिएको थियो । मुलुकी फौजदारी कार्यविधि संहिता २०७४ को दफा १४ (६) बमोजिम अदालतले उक्त आदेश दिँदै प्रतिवादीहरुलाई २५ दिनसम्म नै हिरासतमा राखी अनुसन्धान गर्नपर्ने सम्मको अवस्था नदेखिएको पनि ठहर थियो । जग्गा हिनामिना गरेको आरोपमा तत्कालीन च्याम्पियन फुटवेयर प्रालिका सञ्चालक चौधरीसहित बाँसबारी छाला जुत्ता कारखाना लिमिटेडका तत्कालीन अध्यक्ष अजित नारायण सिंह थापा र सिजी चाँदाबाग रेसिडेन्सी प्रालिका अध्यक्ष सञ्जय ठाकुरलाई केन्द्रीय अनुसन्धान ब्युरोले माघ १८ गते पक्राउ गरेको थियो । जसअनुसार तीनै जना रिहा भएका हुन् ।
गुणस्तरीय र जीवनोपयोगी शिक्षा सरकारको प्राथमिकता : प्रधानमन्त्री ओली
इपिएस सम्झौताको १७ वर्ष : कोरियामा बढी कामदार पठाउने पहिलो मुलुक नेपाल
कोशी, बागमती र गण्डकी प्रदेशमा भारी वर्षाको सम्भावना
सुनसरीमा लुटपाटमा सङ्लग्न सात जना पक्राउ
पहिरोका कारण अवरुद्व पासाङ्ल्हामु मार्ग सञ्चालनमा
![युक्रेनका लागि इटालीकी प्रधानमन्त्री मेलोनीले दिइन् दृढ र स्पष्ट समर्थन](https://snowberry.prixacdn.net/media/gallery_folder/itali%2520pm_xGSYUNinmq_axhlaoi4dzsmfpkiplwr0z3ex5w3fqhsewzuoujxxood2gojxfb7ez0i92xd_Jvod4OzAHt_vixq1nuzljxggotkaaxrqgd59ko00tqfp2er7sx4oos8d007q4vul9ur799i.jpg)
प्रतिक्रिया