अमेरिकामा विमान र हेलिकोप्टर दुर्घटना अपडेट : १८ जनाको शव फेला

एजेन्सी । आज बिहान अमेरिकाको वासिङ्टन डीसीमा अमेरिकन एअरलाइन्सको विमान आकाशमै हेलिकोप्टर सँग ठोक्किएर दुर्घटना हुँदा १८ जनाको मृत्यु भएको छ । 

अमेरिकन एअरलाइन्सको विमान आकाशमै सेनाको हेलिकोप्टरसँग ठोक्किए पछि विमान र हेलिकोप्टर दुबै पोटोम्याक नदीमा दुर्घटनाग्रस्त भएर खसेका थिए । 

अमेरिकी सञ्चार माध्यम बीबीसीका अनुसार विमानमा ६० जना यात्रु र चालक दलका चार सदस्य सवार थिए भने तीन जना अमेरिकी सैनिक सैनिकको हेलिकप्टरमा सवार थिए । अमेरिकी प्रहरी गोताखोर र डुङ्गाहरूले दुर्घटनामा परेकाहरुको खोजी गरिरहेका छन् भने अमेरिकी अधिकारीहरूले अनुसन्धान गरिरहेको समाचारमा उल्लेख गरिएको छ ।  अझै कति जना हताहती भए भन्ने कुराको यकिन भने हुन नसकेको बीबीसीले जनाएको छ ।

अमेरिकाको वाशिङ्टन डीसीस्थित विमानस्थलमा अवतरण गर्न लागेको बेला सो यात्रुवाहक विमान हावामा अमेरिकी सेनाको ब्ल्याक हक हेलिकप्टरसँग ठोकिएर पोटोम्याक नदीमा खसेको हो ।चिसो र अँध्यारोका कारण खोजी र उद्धारकार्य प्रभावित भएको बताइएको छ । 

अमेरिकी सञ्चारमाध्यमका अनुसार दुर्घटनाग्रस्त विमान दुई टुक्रा भएको छ भने डुङ्गा र गोताखोरहरूले विमान र हेलिकप्टरमा सवार मानिसहरूको खोजी गरिरहेका छन्।दुर्घटनाग्रस्त हेलिकप्टर पानीमा उत्तानो परेर खसेको सञ्चारमाध्यमहरूले जनाएका छन्।