पूर्वराजा ज्ञानेन्द्र शाह आज भारतको गोरखपुर जाँदै

काठमाडौं । पूर्वराजा ज्ञानेन्द्र शाह आज (बिहीबार) भारतको गोरखपुर जाँदैछन् । 

उनी गोरखनाथ मन्दिर पुगेर विशेष पूजा अर्चना गर्ने जनाइएको छ । पूर्वराजा शाह हाल भैरहवामा छन् । उनी आज भैरहवा बाट गोरखपुर तर्फ प्रस्थान गर्ने उनका संवाद सचिव फणीराज पाठकले जानकारी दिएका हुन्  । 

पाठकका अनुसार गोरखपुर भ्रमणका क्रममा पूर्वराजा शाहले भारतको उत्तर प्रदेश राज्यका मुख्यमन्त्री योगी आदित्यनाथ सँग समेत भेटवार्ता गर्नेछन् । गोरखनाथ मन्दिरमा पूर्वराजाले खिचडी चढाउने प्रचलन छ । 

सोही परम्परालाई निरन्तरता दिँदै पूर्वराजा शाह गोरखपुर जान लागेका हुन् । सोही अवसरमा उत्तर प्रदेशका मुख्यमन्त्री आदित्यनाथ पनि गोरखनाथ आउने बताइएको छ ।