सशस्त्र प्रहरीलाई १६ वर्षमै अवकाशको व्यवस्था गर्छौँ : गृहमन्त्री लेखक

काठमाडौं । गृहमन्त्री रमेश लेखकले सशस्त्र प्रहरी जवानलाई १६ वर्षमा अवकाशमा जान पाउने सुविधाको व्यवस्था गरिएको बताएका छन् ।

२४ ओँ सशस्त्र प्रहरी दिवसको अवसरमा हल्चोकस्थित मुख्यालयमा आयोजित कार्यक्रममा बोल्दै उनले भने, “म गृहमन्त्री बनेदेखि नै सुरक्षा निकायको ऐन र कानून बनाउने कार्यमा जोड दिएको आएको छु । सशस्त्र प्रहरीका सम्पूर्ण अधिकृतदेखि जवानहरुको आवाजलाई समेटेर कानून बनाइएको छ ।”

उनले कानुनमार्फत नै सशस्त्र प्रहरी जवानहरुले लामो समयदेखि माग राखेको १६ वर्षमा अवकाशमा जान पाउने सुविधाको व्यवस्था गरिएको घोषणा गरे ।

सशस्त्र प्रहरीको विधेयकलाई केही दिनमै संघीय संसद्मा दर्ता गर्ने तयारी रहेको जानकारी दिँदै लेखकले भने, “आज यो कुरा राख्न पाउँदा मलाई खुशीको अनुभूति भएको छ ।”