एमालेका केन्द्रीय सदस्य किशोर विक्रम मल्ल पक्राउ

काठमाडौं । नेकपा एमाले निकट अखिल नेपाल राष्ट्रिय स्वतन्त्र विद्यार्थी युनियन अनेरास्ववियुका इन्चार्ज एवं केन्द्रीय सदस्य किशोर विक्रम मल्ल पक्राउ परेका छन् । 

बैंकिङ कसुरको आरोपमा एमालेका केन्द्रीय सदस्य एवं अनेराश्ववियुका इन्चार्ज किशोरविक्रम मल्ललाई पक्राउ गरिएको काठमाडौं जिल्ला प्रहरी परिसरले जनाएको छ । पक्राउ परेका मल्ललाई महाराजगंज वृत्तमा राखिएको छ । 

उनी विरुद्ध एक जना पीडितले २० लाख ५० हजार रुपैयाँको बैंकिङ कसुरमा जाहेरी दिएका थिए । जाहेरी पछि अदालत बाट पक्राउ अनुमति लिएर प्रहरीले उनी माथि कारबाही अगाडि बढाएको हो ।
.
मल्लले पीडितलाई दिनु पर्ने २० लाख ५० हजार रुपैयाँको चेक दिएपनि खातामा रकम नभएपछि पीडित प्रहरी कार्यालय पुगेका हुन् । २०७० सालको निर्वाचनमा उनी एमाले अध्यक्ष के.पी. ओलीको समूह बाट अनेरास्ववियुको अध्यक्षमा निर्वाचित भएका थिए ।