सिन्धुलीको कमलामाई स्थानमा माघे संक्रान्ति मेला

सिन्धुली । सिन्धुलीको कमलामाई नगरपालिकाको गौमती र कमला नदीको दोभानमा अवस्थित कमलामाई स्थानमा माघे संक्रान्ति मेला लागेको छ । 

माघ महिनामा कमलानदीमा स्नान गरी काली कमलामाईको दर्शन तथा पुजा अर्चनाका लागि ठुलो संख्यामा भक्तजन पुगेका छन् । 

नेपालकै मध्यपूर्वी क्षेत्र खासगरी सिन्धुली, सर्लाही, महोतरी, धनुषा, रौतहट, बारा, पर्सा, सिराहा, उदयपुर, रामेछाप र दोलखा जिल्लाका भक्तजनले वर्ष दिनमा कमलामाईलाई भाकेर गरेको भाकल पुरा गर्न माघे संक्रान्तिमा पुग्ने गर्दछन । 

मेलामा भाकल पूरा गर्न भक्तजनहरु रात भरि कमलामाई मन्दिरमा जाग्राम बसी बत्ती बाल्ने र बिहानीपख झिसमिसेमा नै देवीका नाममा पाठी बलि चढाउने परम्परा छ । 

याहाँ माघ महिना भरि नै मन्दिरमा भक्तजनको भिड लाग्ने गर्दछ ।