दिल्ली विधानसभा चुनाव अर्काे महिना हुने

एजेन्सी । भारतीय निर्वाचन आयोगले मंगलबार दिल्ली विधानसभा चुनावको मिति घोषणा गरेको छ । 

आयोगका अनुसार दिल्ली विधानसभा चुनावको लागि फेब्रुअरी ५ मा एक चरणमा मतदान हुनेछ। नतिजा त्यसका तीन दिन पछि फेब्रुअरी ८  आउने भारतीय संचारमाध्यमहरुले जनाएका छन् । दिल्लीको ७० विधानसभा सीटहरू मध्ये १२ आरक्षित छन् र बाँकी ५८ सामान्य सीटहरू छन्।

दिल्लीमा कुल १.५५ करोड मतदाता छन्। जसमध्ये ८३.४९ लाख पुरुष र ७१.७४ लाख महिला मतदाता छन् । दिल्लीमा पहिलो पटक मतदाताको संख्या दुई लाख छ। योसँगै राजधानीमा १३ हजारभन्दा बढी मतदान केन्द्र छन् ।

आमआद्मी पार्टी (आप) ले दिल्लीका सबै ७० सिटका लागि आफ्ना उम्मेदवारहरूको सूची तय गरेको छ। योसँगै भाजपाले २९ उम्मेदवारको पहिलो सूची पनि सार्वजनिक  गरेको छ । यस बाहेक कांग्रेसले हालसम्म ४० भन्दा बढी सिटमा उम्मेदवार खडा गरिसकेको छ ।