चीन र रुसका विदेश मन्त्री द्वारा राष्ट्रसङ्घमा युक्रेन सङ्ट बारे छलफल

एजेन्सी । चीन र रूसका विदेश मन्त्रीहरूले संयुक्त राष्ट्रसङ्घीय महासभामा युक्रेन युद्ध बारे छलफल गरेका छन् ।

पछिल्लो समयमा चीन र रूसले सम्बन्ध बलियो भएको छ भने सन् २०२२ मा मस्कोले युक्रेनमा आक्रमण गरेपछि द्विपक्षीय व्यापारले बढवा पाएको छ ।

पश्चिमी मुलुकहरूले रूसको आक्रामक युद्धको समयमा बेइजिङले राजनीतिक आवरण र आर्थिक समर्थन प्रदान गरेको आरोप लगाएका छन् ।  आरोपलाई चीनले अस्वीकार  गर्दै  द्वन्द्वमा तटस्थता कायम राखेको जनाएको छ ।

चिनियाँ  सरकारी सञ्चार माध्यम सिसिटिभीले बिहीबार विदेश मन्त्री वाङ्ग यीले संयुक्त राष्ट्रसङ्घीय महासभामा आफ्ना रूसी समकक्षी सर्गेई लाभरोभलाई भेटवार्ता गरेको जनाएको छ । छलफलमा दुवै पक्षले युक्रेन सङ्कटलगायत विषयमा विचार आदानप्रदान गरेको अनतराष्ट्रिय सञ्चार माध्यमले जनाएका छन् ।   

विदेशमन्त्री वाङले  द्विपक्षीय सम्बन्ध उतार–चढावबाट गुज्रिएको उल्लेख गर्दै स्थायी असल छिमेकीको रुपमा चीन–रूस सम्बन्धलाई अगाडि बढाउने उल्लेख गरेका छन् ।  

चीन र रूसले ‘नो–लिमिट्स’ साझेदारी अनुरुप विश्वव्यापी मामिलामा अमेरिकी नेतृत्वको पश्चिमी प्रभुत्वको विरोध गर्दै आएका छन् ।  बेइजिङ र मस्कोले यस वर्ष कूटनीतिक सम्बन्ध स्थापनाको सातौं वार्षिकोत्सव मनाउँदैछन् ।

चिनियाँ राष्ट्रपति सी चिनफिङले आगामी महिना रूसमा हुने उदीयमान अर्थतन्त्रहरूको ब्रिक्स शिखर सम्मेलनमा पनि भाग लिने कार्यक्रम तय भएको छ । 
रासस