सुदूरपश्चिमका मुख्यमन्त्री सोडारीले तत्काल राजीनामा नदिने

सुदूरपश्चिमका मुख्यमन्त्री दीर्घ साेडारीले तत्काल राजीनामा नदिने भएका छन्। एमालेले सर्मथन फिर्ता लिएपछि मुख्यमन्त्री साेडारी अल्पमतमा परेका छन्। अल्पमतमा परेका मुख्यमन्त्री साेडारीले साउनमा विश्वासको मत लिने तयारीमा छन्। विश्वासको मत प्राप्त गर्न नसके साेडारी नेतृत्वको सरकार ढल्नेछ। बहुमत गुमाइसकेको अवस्थामा पनि साेडारी भने विश्वास मत पाउने दावी गर्छन्।

नेकपा (एकीकृत समाजवादी) पार्टी संसदीय दलका नेता समेत रहेका सोडारी गत वैशाख ६ गते मुख्यमन्त्रीमा नियुक्त भएका थिए। उनी नेकपा (एमाले), नेकपा (माओवादी केन्द्र), नागरिक उन्मुक्ति पार्टीका दुई प्रदेश सभा सदस्य र एक स्वतन्त्र प्रदेश सभा सदस्यको समर्थनमा मुख्यमन्त्री बनेका थिए।