बाढीपहिरो पीडितलाई राहत र आवासको व्यवस्था गर्न सरकारलाई सांसदहरुको आग्रह

प्रतिनिधि सभा सदस्यहरुले अविरल वर्षाका कारण देशभर ठूलो जनधनको क्षति भएको भन्दै तत्काल राहत र उद्धार गर्न सरकारलाई आग्रह गरेका छन् । आजको प्रतिनिधि सभा बैठकमा आकस्मिक समयमा बोल्दै प्रतिनिधि सभा सदस्यहरुले देशभर अविरल वर्षाका कारण ठूलो जनधनको क्षति भएको भन्दै अविलम्व राहत र उद्दारमा ध्यान पु¥याउन सरकारलाई आग्रह गरेका हुन् । नेपाली कांग्रेसका सांसद, शंकर भण्डारीले देशको ७७ वटै जिल्लामा हुने दुर्घटनालाई मध्यनजर गर्दै उद्दार कार्यलाई प्राथमिकतामा राख्न सरकारको ध्यानाकर्षण गराए । 
नेकपा माओवादी केन्द्रका सांसद हितराज पाण्डेले बाढी, पहिरो पीडितलाई सुरक्षित आवास र राहत प्रदान गर्न सरकारको ध्यानाकर्षण गराए । 
रास्वपा कि प्रतिनिधि सभा सदस्य डा. चन्दा कार्कीले विपद् प्रतिकार्य योजना बनाउने र अत्याधुनिक पूर्वचेतना प्रणाली स्थापना गर्न सरकारको ध्यानाकर्षण गराइन । 
माओवादी केन्द्र कि सांसद छिरिङल्हामु लामा तामाङले कर्णाली राजमार्ग अवरुद्ध हुँदा बिरामीहरुलाई असर पारेको भन्दै वैकल्पिक व्यवस्था गर्न सरकारसँग माग गरिन ।  
जनमत पार्टीका सांसद अब्दुल खानले विकासका कार्यहरु दैवीप्रकोपमैत्री नहुँदा समस्या परिरहेको भन्दै विकासका कामहरु दैवीप्रकोपमैत्री बनाउनुपर्ने बताइन ।
नेकपा एमालेका सांसद  सुर्यबहादुर थापा क्षेत्रीले सरकारले जनतालाई राहत तथा सेवा, सुविधा दिन नसकेको र प्रकोपको पीडा महशुस गर्न नसकेको बताए । 
कांग्रेस सांसद राजु थापाले बाढी, पहिरोबाट बच्नका लागि पहाडमा एकीकृत बस्तीको अवधारणासहितको कार्यक्रम ल्याउनुपर्ने बताए । सांसदहरुले प्रधानमन्त्री दाहाल सत्ता टिकाउने ध्यानमा लागेकाले दैवीप्रकोपको काममा ध्यान पु¥याउन नसकेको आरोप समेत लगाए ।