एकीकृत समाजवादीको ड्राफ्ट तयार पार्ने जिम्मेवारी प्रदेश इन्चार्ज र सचिवहरुलाइ
नेकपा एकीकृत समाजवादीले प्रदेशका इन्चार्ज र सचिवहरुलाई केन्द्रिय समिति सदस्यको ड्राफ्ट तयार गर्न जिम्मेवारी प्रदान गर्ने निर्णय गरेको छ । आज बसेको केन्द्रिय कमिटीको बैठकले यसअघि कायम प्रदेश इन्चार्जहरुलाई सोही स्थानमा रहेर काम गर्न दिने निर्णय गरेको हो । जिम्मेवारीअन्तर्गत केही दिनभित्र प्राप्त ड्राफ्टलाई केन्द्रिय कमिटीले निर्णय गरेर सदस्य पूरा गर्ने निर्णय पनि बैठकले गरेको छ । बढीमा १० दिनभित्रमा केन्द्रिय कमिटी सदस्यको टुंगो लगाउने बैठकपछि नेताहरुले बताए ।
एकीकृत समाजवादीले जनतालाई सर्वसम्मत नेतृत्व चयन गरेको सन्देश दिने गरी कार्यक्रमहरु अघि बढाउने निर्णय पनि गरेको छ ।
प्रतिक्रिया