भारतको मेघालयमा चार जना नेपालीको घाँटी रेटेर हत्या

भारतको मेघालयमा चार  जना नेपालीको घाँटी रेटेर हत्या भएको छ । मेघालयको कोइलाखानीमा काम गर्न गएका ४ जना मजदुरको हत्या भएको हो । शवको अवस्था हेर्दा उनीहरुलाई पहिला बाँधेर त्यसपछि धारिलो हतियार प्रयोग गरी हत्या गरे जस्तो देखिएको छ । मेघालयको राजधानी शिलोङबाट १३० किलोमिटर टाढा सो घटना भएको हो । मृतक धरान र भोजपुरबाट काम गर्न गएको बुझिएपनि सबैको परिचय खुलेको छैन । मृतक मध्ये एकजना २३ वर्षिय रवि राई भएको स्थानीय प्रशासनले पुष्टि गरेको छ । प्रहरीको विशेष अनुसन्धान टोलीले घटनाको अनुसन्धान सुरु गरेको छ ।