आठौँ प्रधानमन्त्री कप भलिबल लिग काठमाडौंमा शुरु, पुलिस र हेल्प नेपालको विजय सुरुवात
काठमाडौ । आठौँ प्रधानमन्त्री कप एनभीए पुरुष तथा महिला भलिबल लिग आजदेखि शुरु भएको छ । लिगमा पुरुषतर्फ टिपटप हेल्प नेपालले विजयी सुरुवात गरेको छ । त्रिपुरेश्वरस्थित राखेपको कभर्डहलमा भएको पहिलो खेलमा हेल्प नेपालले बूढानीलकण्ठ भलिबल क्लबलाई ३–१ को सेटमा पराजित गर्दै लिगमा विजयी सुरुवात गरेको हो । हेल्प नेपालले पहिलो सेट २५–२० र दोस्रो सेट २५–१२ को जित निकालेको थियो । तर, तेस्रो सेट भने हेल्प नेपाल २७–२९ ले गुमाउन पुग्यो । चौथो सेटमा बूढानीलकण्ठमाथि हेल्प नेपालले २५–२२ को जित निकाल्यो । अर्को खेलमा पुलिस क्लबले सुदूरपश्चिम स्पोर्ट्स् काउन्सिललाई सोझो सेटमा हराएको छ । पुलिस क्लबले सुदुरपश्चिमलाई २५–२०,२५–१५ र २५–१६ ले हराएको हो । संघका अनुसार आज पहिलो दिन पुरुषतर्फ चार र महिलातर्फ दुई गरी ६ खेल हुँदैछन् । त्रिपुरेश्वरमा रहेको राष्ट्रिय खेलकुद परिषद् राखेपको कभर्डहलमा हुने प्रतियोगितामा पुरुषतर्फ आठ र महिलातर्फ छ वटा टोली रहेका छन् । लिग चरणको खेलमा पुरुषतर्फ हरेक दिन चार वटा खेल हुनेछ भने महिलातर्फ लिग चरणमा जेठ २२ गते तीन वटा खेल हुँदा अरू दिन दुई वटा खेल हुनेछ । लिग चरणपछि पुरुष र महिला दुवैतर्फ शीर्ष दुई टोलीबीच फाइनल खेल हुनेछ । लिगमा पुरुषतर्फ हेल्प नेपाल, त्रिभुवन आर्मी क्लब, नेपाल पुलिस क्लब, गण्डकी प्रदेश, सशस्त्र प्रहरी बलको एपीएफ क्लब, सुदूरपश्चिम प्रदेश, कोशी प्रदेश र बूढानीलकण्ठ भलिबल क्लब रहेका छन् । यस्तै महिलातर्फ एभरेस्ट भलिबल क्लब, नेपाल पुलिस क्लब, एपीएफ क्लब, न्यु डायमन्ड, त्रिभुवन आर्मी क्लब र कर्णाली प्रदेश रहेका छन् । प्रतियोगिता जेठ २६ गतेसम्म चल्नेछ । पुरुष र महिला दुवैतर्फको विजेताले आठ लाख, उपविजेताले चार लाख र तेस्रो हुने टोलीले दुई लाख रुपैयाँ पाउनेछन् ।
कोपा अमेरिका फुटबलमा साविक विजेता अर्जेन्टिनाको विजयी सुरुवात
![नेपाल र युएईविचको विश्वकप छनोट फुटबल खेल साउदी अरवमा हुने](https://snowberry.prixacdn.net/media/gallery_folder/Football%2520team%25202080-12-8_L8ndEMMt6o_waieouweq0szreu5pudtfg5pkiobtdercphaex7frkmsixfhcwvs6cwnv9fm_NCscjrx3w9_lhpdcsrakbsenjtmzqefnohzm4f8ripnqs16ljrrxguuru3jehtobfgekov8.jpg)
नेपाल र युएईविचको विश्वकप छनोट फुटबल खेल साउदी अरवमा हुने
![फिफा वरीयतामा एक स्थान तल झर्यो नेपाल](https://snowberry.prixacdn.net/media/gallery_folder/fifa-logo-fifa-world-cup-free-vector_edK079H3Zl_iaabvnzpetlardwbz2qyquetb6fznhwbuedqx5c6yylykjc22krgt5qwdppx_oRp7aQSeFW_wmlmn3tlfxe4sm8liciwothsnypfwczww8qempqfpxgp0my3iph3yv5mf0pf.jpg)
फिफा वरीयतामा एक स्थान तल झर्यो नेपाल
१९ औँ एशियाली खेलकुदका लागि नेपाली खेलाडीहरुले दिए तिव्रता
![साफ च्याम्पियनसिप फुटबल बेंग्लोरमा सुरु हुँदै](https://snowberry.prixacdn.net/media/gallery_folder/SAFF-Championship-Postponed-To-2021-Due-Coronavirus1676427640_noG7KG2VyH_krl6strt2p2q76ocff2lle6btx1nu8s7mp60xdb9bvzgy2bvyy7jpg4zfroj_NZJeiBvSKU_uzxtpnri8iuhhzjs80imwm2sccezvrgglj5lwtozejfvtkutmg5z89juzhnc.jpg)
प्रतिक्रिया