महिला यु–१९ एसिया कप : वर्षाले नेपाल र श्रीलङ्का बीचको खेल अवरुद्ध

काठमाडौं ।  मलेसियामा जारी महिला यु–१९ एसिया कपको ‘सुपर–४’ को नेपाल र श्रीलङ्का बीचको खेल वर्षा कारण रोकिएको छ । 

मलेसियाको क्वालालम्पुर स्थित वेयुमास ओभल क्रिकेट मैदानमा केही बेर अघि शुरु भएको खेल वर्षाले रोकिएको हो । नेपालले श्रीलङ्का विरुद्ध टस जितेर फिल्डिङ थालेको थियो । पहिलो ओभर सकिएलगत्तै वर्षा शुरु भए पछि खेल रोकिएको हो । 

नेपाल पहिलो खेलमा पाकिस्तानलाई ६ विकेटले हराउदैँ सुपर–४ मा प्रवेश गरेको थियो । यसैगरी, समूह चरणको अन्तिम खेल वर्षाका कारण रद्द भएपछि नेपाल र भारतले एक–एक अङ्क बाँडेका थिए । रनरेटको आधारमा भारत समूह ‘ए’ को विजेता बन्दा नेपाल उपविजेता बनेको थियो । 
रासस