तनहुँमा गुडिरहेका ६ वटा गाडी एकपछि अर्काेमा ठोक्किए, ४ जना घाइते

काठमाडौं । तनहुँमा गुडिरहेका ६ वटा गाडी एकपछि अर्को गर्दै ठोक्किएका छन् । 

ती गाडी ठोकिकदा ४ जना घाइते भएका प्रहरीले जनाएको छ । तनहुँको  बन्दीपुर गाउँपालिका वडा नम्बर– १ रिमाल्नीस्थित पृथ्बीराजमार्ग सडक खण्डमा ६ वटा गाडी आपसमा ठोक्किएका हुन् । 

पोखराबाट आँबु खैरेनीतर्फ आउँदै गरेको ना ५ ख २०३४ नमबरको यात्रुबाहक बसको ब्रेक फेल भएपछि सो दुर्घटना भएको प्रहरीले जनाएको छ । सो बसले  ग३ख १३९० नम्बरको ट्रकमा ठक्कर दिएको थियो ।   ट्रकमा ठोक्किएपछि अनियन्त्रित भएको बसले फेरि ग३च ८३९० नम्बरको  जीपलाई ठक्कर दिएको थियो ।  त्यसपछि जीप ग १ख ९५६१ नम्बरको बसमा ठोक्किन पुगेको थियो । सो बसले  फेरि ना१च ८४३४ नम्बरको बलेरो तथा  उक्त बलेरोले ना२ख ३७८९ नम्बरको हाइसलाई ठक्कर दिएकोे प्रहरीले जनाएको छ । घाइते सबैको लक्ष्मी अस्पताल डुम्रेमा उपचार भइरहेको प्रहरीले जनाएको छ । प्रहरीले सुरुमा ठक्कर दिने बस र चालकलाई नियन्त्रणमा लिएको छ । ठक्कर लागेका सबै सवारी साधनमा क्षति पुगेको छ ।