जापानमा आँधीपछि गएको पहिरोमा परी चार जना बेपत्ता

एजेन्सी ।  जापानमा आँधी र भारी वर्षापछि आएको बाढीसँगै र गएको पहिरोले एउटै परिवारका चार सदस्य बेपत्ता भएका छन् । 

सानसान नामक चक्रवात बुधबार बिहान दक्षिणी अमामी द्वीपसमूहबाट ८० किलोमिटर उत्तरपूर्वमा २५२ किलोमिटर प्रति घण्टाको गतिमा आएकोे थियो अधिकारीहरूका अनुसार भारी वर्षाले मंगलबार राति आइची प्रान्तको गामागोरी शहरमा घर बगाउँदा उनीहरूको वेपत्ता भएका हुन् ।

एकै परिवारका पाँच जना सदस्य बसेको घर पहिरोले प्रभावित हुँदा एक जनालाई उद्धार गरिएको तथा अन्य चार जनाको खोजी जारी रहेको गामागोरीका एक अधिकारीले बताए । 

मौसम पूर्वानुमानसम्बन्धी निकायले बुधबार अमामीसहित कागोसिमा प्रान्तमा भारी वर्षाको चेतावनी जारी गर्न सक्ने अन्तर्राष्ट्रिय सञ्चार माध्यमले जनाएका छन् । चक्रवातका कारण जापानमा एयरलाइन्सहरूले दर्जनौँ उडानहरू रद्द गरेका छन् भने यस हप्ता बुलेट ट्रेन सञ्चालन स्थगित हुनसक्ने बताइएको छ । 

अधिकारीहरूले सानसान चक्रवत यस हप्ता मुख्य दक्षिणी टापु क्युशुतिर जाने अनुमान गरेका थिए । यस क्षेत्रमा टाइफुन तटरेखाको नजिक बनिरहेकाले जलवायु परिवर्तनका कारण भूमिमा  लामो समयसम्म टिक्ने गरेको  गत महिना जारी गरेको एक अध्ययनले जनाएको छ ।
रासस