दयाहाङ अभिनित चलिचत्र ‘पूजा, सर’ को टिजर सार्वजनिक

काठमाडौं । भेनिसमा विश्व प्रिमियर तयारीमा रहेको दीपक रौनियार निर्देशित चलचित्र  ‘पूजा, सर’को टिजर सार्वजनिक भएको छ । 

मंगलबार सार्वजनिक भएक दुई मिनेट लामो टिजरमा सांसदको छोरा सहितका दुई बालक अपहरणमा परेपछि उनीहरुलाई मुक्त गराउन प्रहरीले चालेको खोजी अप्रेसनको कथा चित्रण गरेको छ । यो सोसल ड्रामा तथा एक्सन चलचित्रमा आशा मगरातीको शीर्ष भूमिका रहेकाे  छ ।

पूर्वमिस नेपाल निकिता चाण्डक, दयाहाङ राई, ऋचा शर्मा लगायत कलाकार पनि टिजरमा चित्रित छन् । यो चलचित्रमा विजय बराल, गौमाया गुरुङ, आरती मण्डल, घनश्याम मिश्र, परमेश्वरकुमार झा, पशुपति राई र नीरज श्रेष्ठको पनि अभिनय छ ।