बाइडेनले गरे सर्वोच्च अदालत सुधार गर्ने योजनाको घोषणा

  एजेन्सी । अमेरिकी राष्ट्रपति जो बाइडेनले सर्वोच्च अदालत सुधार गर्ने योजनाको घोषणा गरेका छन् । 

उनले राष्ट्रपतिको शक्तिको दुरुपयोग रोक्न र राष्ट्रको सर्वोच्च अदालतमा विश्वास पुनःस्थापित गर्न मिलेर काम गर्न तत्पर रहेको बताएका छन् । राष्ट्रपति वाइडेनले राष्ट्रपति, सर्वोच्च अदालत कोही पनि कानून भन्दा माथि नरहेको बताए । बाइडेनले संवैधानिक संशोधनको लागि आह्वान गरे ।

पूर्वराष्ट्रपति डोनाल्ड ट्रम्पको मुद्दासँग सम्बन्धित मुद्दामा राष्ट्रपतिहरूलाई पदमा रहँदा प्रदर्शन गरेको आधिकारिक कार्यहरूको लागि अभियोग चलाउन नसकिने अदालतको निर्णयपछि बाइडेनको पछिल्लो प्रस्ताव आएको हो । संसोधन प्रस्तावमा राष्ट्रपतिले सर्वोच्च अदालतमा सक्रिय सेवामा १८ वर्ष बिताउन प्रत्येक दुई वर्षमा न्यायाधीश नियुक्त गर्ने उल्लेख छ । हाल सर्वोच्च अदालतका न्यायाधीशहरूले अदालतमा आजीवन नियुक्ति सेवा गर्छन् । आफ्नो कार्यकालमा ट्रम्पले तीन रूढिवादी न्यायाधीशलाई मनोनयन गरेका छन् ।  हालैका वर्षहरूमा, सर्वोच्च अदालतले मौलिक अधिकारहरूको संरक्षण गर्ने लामो समयदेखि स्थापित कानूनी उदाहरणहरूलाई उल्टाएको छ ।

यसले नागरिक अधिकारको सुरक्षालाई कमजोर पारेको छ । महिलाको छनौट गर्ने अधिकार खोसिएको र राष्ट्रपतिहरूलाई उनीहरूले पदमा गरेको अपराधको अभियोगबाट व्यापक उन्मुक्ति दिएको ह्वाइट हाउसले बताएको छ ।