तोलामा एक सयले सस्तियो सुन

काठमाडौ ।  नेपाली बजारमा आज मंगलबार सुनको मूल्य प्रतितोला  एक सय रुपैंयाले घटेको छ । नेपाल सुनचाँदी व्यवसायी महासङ्घका अनुसार सोमबार प्रतितोला  एक लाख ४६ हजार एक सय रुपैयाँमा कारोबार भएको छापावाला सुन आजका लागि भने  एक लाख ४६ हजार निर्धारण भएको छ । 
यस्तै, सोमबार प्रतितोला  एक लाख ४५ हजार चार सयमा कारोबार भएको तेजाबी सुनको मूल्य आज  एक लाख ४५ हजार तीन सय निर्धारण भएको छ । 

चाँदीको मूल्य तोलामा  १० रुपैंयाले घटेको छ । सोमबार प्रतितोला  एक हजार सात सय ५० मा कारोबार भएको चाँदी आजका लागि भने  एक हजार सात सय ४० रुपैंया निर्धारण भएको छ ।