काठमाडौंमा महिला प्रहरी झुन्डिएको अवस्थामा मृत फेला

काठमाडौं । काठमाडौंको प्रहरी प्रभाग साँखुमा एक जना महिला प्रहरी झुन्डिएको अवस्थामा मृत भेटिएकी छन् ।

बुधबार २३ वर्षीया महिला प्रहरी जवान निशा चौधरी ब्यारेकमै झुन्डिएको अवस्थामा मृत भेटिएकी हुन् ।

प्रहरीका अनुसार उनको १२ बजेसम्म ड्युटी थियो । ११ बजेतिर ड्युटी छाडेर उनी ब्यारेकमा गएकी थिइन् । पछि सलको पासोमा झुन्डिएको अवस्थामा फेला परिन् ।

घटनाबारे थप अनुसन्धान भइरहेको प्रहरीले जनाएको छ ।