सर्टिफाईड कलेज अफ अकाउन्टटेन्सीले काठमाडौंमा बकतृत्व कला प्रतियोगिता गर्ने

काठमाडौं । आगामी माघ २६ गते अर्थात्, फेब्रुअरी ८ मा सर्टिफाईड कलेज अफ अकाउन्टटेन्सी (सीसीए) कलेजको आयोजनामा काठमाडौंमा पहिलोपटक बकतृत्वकला प्रतियोगिता हुने भएको छ ।

सर्टिफाईड कलेज अफ अकाउन्टटेन्सी  कलेजको आयोजनामा नेपालको प्रमुख एसीसीए संस्थाले अन्तर–विद्यालय बकतृत्वकला प्रतियोगिता २०२५ गर्ने  भएको हो । प्रतियोगिताले कक्षा १२ मा अध्ययन गर्ने  विद्यार्थीहरूलाई सार्वजनिक भाषण, सिर्जना र आत्मविश्वासको क्षेत्रमा आफ्नो क्षमता प्रदर्शन गर्न उत्कृष्ट मञ्च प्रदान गर्ने सर्टिफाईड कलेज अफ अकाउन्टेसीका निर्देशक मनिष शर्माले जानकारी दिए ।

प्रतियोगितामा काठमाडौंका  २५ भन्दा बढी विद्यालयहरूले भाग लिने र विद्यालयहरुबीच कडा प्रतिस्पर्धा हुने निर्देशक शर्माको भनाई छ । प्रतियोगिताले विद्यार्थीहरुको शैक्षिक र व्यावसायिक सफलताका लागि अत्यावश्यक पर्ने आलोचनात्मक सोच, उच्चारण, आत्माविश्वास तथा विचारोत्तेजक भाषण कला प्रस्तुत गर्न सहयोग पुरयाउने विश्वास लिइएको छ  ।

प्रतियोगिताको विजेताले एउटा ट्याब्लेट, प्रमाणपत्र र मेडल, पहिलो रनर–अपले स्मार्टवाच, प्रमाणपत्र र मेडल, दोस्रो रनर–अपले हेडफोन, प्रमाणपत्र र मेडल र सबै सहभागीहरूलाई सहभागी प्रमाणपत्र प्रदान गरिने छ ।

यस्तै प्रतियोगितामा भाग लिन आएका विद्यालयका प्रतिनिधिहरूलाई  कलेजले विशेष सम्मान स्वरुप मायाको चिनो प्रदान गरिनेछ ।

कार्यक्रम आगामी माघ २६ गते अर्थात्, फेब्रुअरी ८ तारीखका दिन बानेश्वर थापागाउ स्थित बिजुली बजारमा रहेको कृष्टल पार्टी भेन्यूमा  बिहान ९ बजे सुरु हुने आयोजकले जनाएको छ । प्रतियोगीलाई प्रवेश शुल्क निःशुल्क गरिएको छ  ।