थाइल्याण्डसँग नेदरल्याण्ड्स ८ विकेटले पराजित

काठमाडौं । त्रिकोणात्मक महिला टी–२०आई सिरिज अन्तर्गत दोस्रो खेलमा थाइल्यान्डसँग नेदरल्यान्ड्स पराजित भएको छ ।

कीर्तिपुरस्थित त्रिवि मैदानमा आज भएको खेलमा थाइल्याण्डले नेदरल्याण्ड्सलाई ८ विकेटले पराजित गरेको हो । नेदरल्यान्ड्सले दिएको १ सय २३ रनको लक्ष्य थाइल्यान्डले १८ ओभरमा २ विकेट गुमाएर पूरा गर्यो । थाइल्यान्डका लागि  नान्नापत कोन्चारोइनकाइले ५० बलमा पाँच चौका प्रहार गर्दै नटआउट ५६ रन जोडिन् ।

त्यसअघि टस जितेर पहिले ब्याटिङ गरेको नेदरल्यान्ड्सले निर्धारित २० ओभरमा छ विकेटको क्षतिमा १ सय २२ रनको योगफल बनाएको थियो । नेदरल्यान्ड्सका लागि कप्तान बाकेटे डी लिडेले ५२ रन जोडेकी थिइन् ।

त्यस्तै  आरिस विलिङले २८ रन जोडिन् । बलिङमा थाइल्यान्डकी पुत्थावोङले दुई विकेट लिइन् । उक्त सिरिजको तेस्रो खेलमा भोलि शनिबार नेपाल र थाइल्यान्डबीच प्रतिस्पर्धा हुनेछ ।