पूर्वराजा ज्ञानेन्द्र शाहले आज गोरखनाथ मन्दिरमा पूजाअर्चना गर्ने

काठमाडौं । पूर्वराजा ज्ञानेन्द्र शाहले आज (शुक्रबार) भारतको गोरखनाथ मन्दिरमा विशेष पूजाअर्चना गर्ने भएका छन् । 

बिहीबार रुपन्देही बाट गोरखपुर भ्रमणमा गएका पूर्वराजा शाहले भारत उत्तर प्रदेशका मुख्यमन्त्री योगी आदित्यनाथ सँग समेत भेटवार्ता गर्ने उनका संवाद सचिव फणीराज पाठकले जानकारी दिएका छन् । 

गोरखनाथ मन्दिरमा पूर्वराजाले खिचडी चढाउने प्रचलन छ । सोही परम्परालाई निरन्तरता दिन पूर्वराजा शाह गोरखपुर गएका हुन् । 

सो अवसरमा उत्तर प्रदेशका मुख्यमन्त्री आदित्यनाथ पनि गोरखनाथ आउने जनाइएको छ ।