त्रिदेशीय महिला टी–ट्वान्टी : नेदरल्याण्डस विरूद्ध बलिङ गर्दै नेपाल

काठमाडौं । महिला त्रिकोणात्मक टी–२० सिरिज आज देखि काठमाडौंमा शुरु भएको छ । प्रतियोगिताको उदघाटन खेलमा नेपाल र नेदरल्याड्स भिड्दैछन ।

त्रि.वि.अन्तर्राष्टिय क्रिकेट मैदानमा उद्घाटन खेल शुरु भएको हो । नेपालकी कप्तान इन्दु बर्माले टस जितेर बलिङ गरिरहेको छ । सिरिजमा नेपाल सहित नेदरल्याण्डस् र थाइल्याण्ड सहभागी छन् ।

नेपालले घरेलु भुमीमा दोस्रो पटक टि ट्वान्टी आई सिरिज खेलेको हो । यसअघि नेपालले सन् २०२२ को मेमा युगान्डा सँग ५ खेलको टि ट्वान्टी आई सिरिज खेलेको थियो । महिला टि ट्वान्टी आई वरियतामा नेपाल २०औं तथा नेदरल्याण्ड्स १६ औं स्थानमा छ । थाइल्याण्ड १३ औं स्थानमा छ ।

सिरिजमा सहभागी टोलीले एक अर्का सँग समान ३ पटक खेल्नेछन् । लिग चरणको अंक तालिकाको शीर्ष स्थानमा रहने टोली विजेता बन्नेछ ।