त्रिदेशीय महिला टी–ट्वान्टी : आज नेपाल र नेदरल्याण्ड्स भिड्दै

काठमाडौं । आज (बिहीबार) देखि महिला त्रिकोणात्मक टी–२० सिरिज काठमाडौंमा हुँदै छ ।

प्रतियोगिताको उदघाटन खेलमा नेपाल र नेदरल्याड्स भिड्दै छन । त्रि.वि अन्तर्राष्टिय क्रिकेट मैदानमा उदघाटन खेल अपराहन्न सवा १२ बजे देखि शुरु हुने छ । सिरिजमा नेपाल सहित नेदरल्याण्डस् र थाइल्याण्ड सहभागी हुदै छन् । 

क्यानले यस सिरिजका लागि इन्दु बर्माको कप्तानीमा १५ सदस्यीय टिमको घोषणा गरेको छ । नेपालले घरेलु भुमीमा दोस्रो पटक टि-ट्वान्टी आई सिरिज खेल्न लागेको हो । यसअघि नेपालले सन् २०२२ को मेमा युगान्डा सँग ५ खेलको टि-ट्वान्टी आई सिरिज खेलेको थियो । 

महिला टि-ट्वान्टी आई वरियतामा नेपाल २०औं तथा नेदरल्याण्ड्स १६ औं स्थानमा छ भने थाइल्याण्ड १३औं स्थानमा छ । सिरिजमा सहभागी टोलीले एक अर्का सँग समान ३ पटक खेल्नेछन् । लिग चरणको अंक तालिकाको शीर्ष स्थानमा रहने टोली विजेता बन्नेछ ।