हमासको कब्जामा रहेका विपिन जोशी जीवित रहेको पुष्टि, रिहा हुने सूचीमा समावेश

एजेन्सी । हमासको कब्जामा रहेका नेपाली नागरिक विपिन जोशी जीवित रहेका टाइम्स अफ इजरायलले पुष्टि गरेको छ । 

विपिन जीवित छैनन् कि भन्ने आशंकाका माझ हमासले रिहा गर्न लागेकाहरूको सूचीमा एक नेपाली पनि उल्लेख गरिएको हो । गाजामा अझै आठ थाई बन्धकहरू साथै एक नेपाली र एक तान्जानियाली जीवित रहेको इजरायलका सञ्चार माध्यमले जनाएका छन् । 

उनीहरु पनि युद्धविराम सम्झौता अनुसार छिट्टै छुटने विश्वास गरिएको छ । विपिन जोशीलाई सन् २०२२ को अक्टोबर ७ मा हमासले इजरेलमा गरेको आक्रमणका क्रममा गाजा नजिकैको इजरेली शहर किबुत्ज अलुमिम बाट अपहरण गरेको थियो । 

आज गाजामा ३ जना इजरायली र ५जना थाइ नागरिकहरू मुक्त हुने क्रममा रहेका छन् । अहिलेसम्म दुई चरणमा बन्धकहरूको रिहाइ भइसकेको छ ।  छोडन लागिएका भनिएका बाँकी ८ जना इजरायली बन्धकको मृत्यु भैसकेको छ । 

२०२३  अक्टोबर ७ मा इजरायल गाजासीमा क्षेत्रमा हमास समूहले आक्रमण गर्दा १० जना नेपाली विद्यार्थीको मृत्यु भएको थियो । सो आक्रमणमा परी ४ जना घाइते भएका थिए । भने जोशीलाई हमास समूहले नियन्त्रणमा लिएर गाजा तर्फ लगेको समाचारमा उल्लेख छ 

उनको रिहाइका लागि नेपाल सरकारले इजरायल सँगै कतार र इजिप्ट सँग समेत कूटनीतिक पहल गर्दै आएको छ ।