डब्लूएचओद्वारा बालबालिकाका लागि औलोविरुद्ध खोप सिफारिस

विश्व स्वास्थ्य संगठन डब्लूएचओले बेलायतको अक्सफोर्ड विश्वविद्यालयले विकास गरेको बालबालिकाका लागि औलोविरुद्धको नयाँ खोप सिफारिस गरेको छ । डब्लूएचओका प्रमुख टेड्रोस अधानोम गेब्रेयेससले औलोको अनुसन्धानकर्ताको रूपमा एउटा ठूलो सफलता मिलेको बताएका छन । डब्लुएचओले आर–ट्वान्टीवान म्याट्रिक्स–एम नामक दोस्रो खोप आर–ट्वान्टीवान म्याट्रिक्स–एम प्रयोगका लागि सिफारिस गरेको हो । आर ट्वान्टीवान म्याट्रिक्स–एम खोप सेरम इन्स्टिच्युट अफ इण्डियाले उत्पादन गरेको हो । यो खोप बुर्किना फासो, घाना र नाइजेरियामा प्रयोगका लागि अनुमति दिइसकिएको छ । सन् २०२१ मा बेलायती औषधि कम्पनी जीएसकेले उत्पादन गरेको आरटीएस एस खोप मध्यमदेखि उच्च औलो सङ्क्रमण भएका क्षेत्रका बालबालिकामा औलो रोकथामका लागि डब्लुएचओले सिफारिस गरेको पहिलो खोप बनेको थियो । डब्लुएचओका अफ्रिकाका लागि क्षेत्रीय निर्देशक डा. मात्शिडिसो मोएतीले नयाँ खोपले माग र आपूर्तिबीचको ठूलो खाडललाई कम गर्न मद्दत पु¥याउने बताए ।