टर्कीको  एउटा स्की रिसोर्ट होटलमा आगलागी हुँदा ६६ जनाको मृत्यु

एजेन्सी । टर्कीको उत्तरपश्चिमी भागमा रहेको एउटा स्की रिसोर्ट होटलमा मंगलबार आगलागी हुँदा ६६ जनाको मृत्यु भएको छ ।

त्यस्तै  आगलागीमा परेर ५१ जना घाइते भएका छन् । कतिले झ्यालबाट हाम फाफेर ज्यान जोगाएका अन्तर्राष्ट्रिय संचार माध्यमहरुले जनाएका छन् । 

टर्कीका आन्तरिक मन्त्री अली येर्लिकायाका अनुसार बोलु प्रान्तको कार्तलकाया रिसोर्टमा रहेको एउटा होटलमा बिहानै भएको आगलागी भएको हो । 

यार्लिकायाले “हामी गहिरो पीडामा छौं। यो होटेलमा भएको आगलागीमा हामीले दुर्भाग्यवश ६६ जनाको ज्यान गुमाएका छौं,’ मंगलबार पत्रकारहरूलाई भने।